قصتي مع اخت صاحبي

حبيت اني اقولكم موقف حصلي مع اخت صاحبي واتمنى تعلقون على اللي حصل:-


انا اول مرة اكتب فأتمنى تسامحوني لو كان اسلوبي في الكتابة تعبان شوي, قبل 3 شهور كنت متواعد مع واحد من

الربع (صاحبي) على اساس بنطلع نتغده بره في مطعم ذاك اليوم. لما وصلت بيتهم اتصلت عليه قال انه نازل فوقفت

انتظر شوي فشفت سيارة تدخل بيتهم عرفت ان اهله في السيارة فما حبيت اني اطالع او شي فقمت اتصلت على واحد

من الربع اكلمه شوي على مايدخلون اهله البيت, لاحظت وأنا اتكلم بالتلفون انه اخت صاحبي تطالعني و تبتسم من بعيد

في الأول قلت يمكن يتخيلي او شي رفعت عيني شوي ولا أخوها يطلع من البيت في نفس الوقت فدخلت اهيا البيت و

احنا طلعنا. بصراحة ما حطيت براسي شي يومها وما فكرت في الموضوع, بس من بعد ذاك اليوم كل ما اروح لبيت

صاحبي القاها في ويهي تسلم فكنت اسلم عليها بس انا عارف انه اخوها لو طلع بره و شافها تكلمني بكسر راسها

والله اني انا كنت خايف من هالشي أكثر منها بس اهيا فيها جرائة بصراحة, مرت الايام و قبل أسبوعين كنت في المطار

بسافر سلمت على الشباب اللي معاي وانا في سوق المطار دق تلفوني شلته ولا وحده سلمت في الاول و قالتلي تروح

و ترجع بالسلامة!! قلتلها الله يسلمج من معاي, سوت روحها ما اسمعت وراحت تسولف و تفتح مواضيع عن الدراسة و

الجامعة المهم كلمتها شوي و بعدها قتلها انا بدخل الطيارة الحين فقالتلي عطني رقم تلفونك اللي تستعمله هناك!!

قلتلها انا ما أعطيج رقمي هناك الا اذا قلتيلي انتي منو؟ قالتلي انتا عطني رقمك اللي هناك و اول ما توصل بالسلامة

اقولك, عطيتها رقمي و سافرت اول ما وصلت هناك و شغلت التلفون لقيت مسج منها تسلم علي و تقولي انا فلانه اخت

فلان !!! انا انصدمت بصراحة بس قلت يمكن البنت طايشة لأنها صغيرة 17 سنة وما تعرف مصلحتها فدزيتلها مسج قلتها

اني انا اعتبرج مثل اختي الصغيرة وانا ما افكر فيج.... من بعدها ما اتصلت بس قبل 4 ايام دزتلي مسج ثاني و قالتلي

يمكن لو عرفتني اكثر اعجبك و تحبني و من هالكلام و رديت عليها نفس الرد الاول بس اهي مصره على هالشي ......

انا بصراحة ما ودي اكلمها لأن اخوها اعتبره مثل اخوي و امون عليه كثير بس البنت يوميا اتدزلي مسجات. حبيت اني

اسمع رايكم في هالموضوع شنو الحل .........