تصدني وانا اللي هويتك

[تصدني و انا اللي هويتك على قدر الكون
و اغفرلك دلالك و الحسن فيك لك شفاع
صديت في وجهي ابوابك و حلفت لك اكون
غفور و لو طال هجرك بتم بك ملتاع
بس لا تصد الكرامة عندي تراها لي تخون
لا طلبتها تغفر سواياك بتقول العقل مناع
صد فيني كل شين بس لا اياك لا تهون
ترى فيني من الزين يغفرلي كل الشناع
جيتني ولهان لك ما صديت و كنت ممنون
ملزوم تغفر عزتي سبحانه خالق الطباع
مصدودة مملكتي لها باب و آذن و مأذون
ما اغفر من خطى و كان باسوارها طماع
لها صدود و خطوط حمر و على كل لون
تغفر من حبها و علا اسوارها وكان طواع
ما تصد حدودها عاشق و لا مشتاق ومفتون
و تغفر له بحنان و ووفا و لهفة الاوجاع
تفداك الروح و تاخذ القلب و صدود العيون
و اغفرلك لو تعذب و تصير للجسد قطاع
و الله لو بايدك تذبحني ما اصد ولا اخون
و لو تغفرلي مسامح ما ارضى لغيرك انطاع